Pages

කවරයේ කතාව - 12th December 2016

මෙවර Wildlife Photography - Sri Lanka සමුහයේ කවරය සරසන්නේ සුකක්ඛන චාමර විසින් ඡායාරූපයට නගනලද Jumping Spider  වර්ගයේ කුඩා මකුළුවෙකි. සුකක්ඛන චාමරගේ macro වර්ගයේ ඡායාරූ නිතර අප සමුහය සරසන ලබයි. මෙවර ඔහුගේ මෙම දර්ශනීය ඡායාරූපය කවරය ලෙස තෝරාගනු ලැබුවේ සමුහයේ ඇඩ්මින්වරයෙකු වන ධනුෂ්ක සේනාධීර විසිනි.

Copyright Sulakkhana Chamara


මෙහි පලවන කිසිදු  ඡායාරූපයක්  ඡායරූපශිපියගේ අවසරයකින් තොරව උපුටාගැනීම හෝ නැවත පළකිරීම සිදු නොකලයුතුබව කරුණාවෙන් සලකන්න. 

කවරයේ කතාව - 4th December 2016

මෙවර කවරය ලෙස වාසිරි රසු ගජමන් විසින් තෝරාගෙන ඇත්තේ මොණරකුගේ පිල් විදහාගත් ඡායාරූපයකි. මෙහි විශේෂය වන්නේ එය අපට සුපුරුදු ඉදිරිපසින් ඡායාරූපයට හසුකරගත් එකක් නොවීමයි. පසන් සෙනෙවිරත්න විසින් කැමරා කාචයට හසුකරගත් මෙම ඡායාරූපය ඡායාරූපශිල්පියෙකු විසින් සාමාන්‍ය සිදුවීමක් වෙනස් අයුරකින් ඉදිරිපත් කිරීමට ගත් හොද උත්සහයක් ලෙස පෙන්වා දිය හැකියි.

Copyright Pasan Senevirathna

මෙහි පලවන කිසිදු  ඡායාරූපයක්  ඡායරූපශිපියගේ අවසරයකින් තොරව උපුටාගැනීම හෝ නැවත පළකිරීම සිදු නොකලයුතුබව කරුණාවෙන් සලකන්න. 

වනජීවී ඡායරූපකරණ උපකරණ තෝරාගන්නේ කෙසේද

Wildlife Photography - Sri Lanka සමුහය විසින් වනජීවී ඡායාරූපකරණය සදහා ඇලුම්කරන ඔබ වෙත ගෙන ලිපි මාලාවේ තුන් වැන්න ලෙස වනජීවී ඡායාරූපකරණය සදහා යොදාගතහැකි උපකරණ පිලිබඳ කෙටි හැදින්වීමක් කිරීමට අපි අදහස් කරනවා.

1. Prime vs Zoom Lens

මෙය වනජීවී ඡායාරූපකරණය එලබෙන බොහොමයකට ඇති වන මූලික ගැටලුවකි. අවාසනාවකට මෙයට දියහැකි තනි පිලිතුරක් නැති වුවත්, මෙය සදහා මාගේ අත්දැකීම් වලින් කෙටි සටහනක් තබමි.
Prime Lens එකක් බාවිතයට බොහෝ දෙනෙක් නැබුරු වන්නේ එම Lens වල Sharpnes සාපේක්ශව ඉහල නිසා සහ Focusing speed වැඩි නිසා. වර්තමාන Camera body වල Resolution වැඩි වීමත් සමග Lens වල Sharpness ගැන සැම දෙනාගේම අවදානය යොමු වී තිබේ. උදාහරණයක් ලෙස, 30MP Camera එකකින් ලබාගතහැකි details ලබාගැනීමට එයට ගැලපෙන Lens බාවිතා කල යුතු වේ, එසේ නොකලහොත් එම Camera එකෙන් උපරිම ඵල නෙලාගැනීමට ඔබට නොහැකි වනු ඇත.
වර්තමානය ගැන සලකා බැලුවොත් අපගේ වාසනාවට බොහොමයක් Camera brands තමන්ගේ Lens අතරට Sharpness ඉතා හොද මට්ටමක ඇති Zoom lens කිහිපයක් එකතු කර ගැනීමට සමත්ව ඇත. මේ සදහා උදාහරණ ලෙස නව Canon 100-400mm IS II සහ Nikon 80-400mm G VR2 lens හදුන්වා දිය හැක. නමුත් මෙම Lens තුන්වන පාර්ශව (Sigma, Tamron) විසින් හදුන්වා දී ඇති Zoom lens වලට වඩා මිල අධික වීම සදහන් කල යුතු දෙයකි.

2. Full frame vs Copped sensor camera

තනි පිලිතුරක් නොමැති තවත් ගැටලුවකි මෙය.
වනජීවී ඡායාරූපකරණයට එලබෙන බොහොමයකට මුලින්ම හිතට එන්නේ cropped sensor camera එකකින් crop factor එකත් සමග වස්තුවට පහසුවෙන් ලගාවිය හැකි බවයි. මෙය පිලිගත හැකි වුවද, මතක තබා ගත යුතු කාරනාවක් වන්නේ crop factor එක සමග depth of field වෙනස් නොවන බවයි. උදාහරණයක් ලෙස 200mm f2.8 Lens එකකින් 1.5 crop factor ඇති camera එකක් සමග ගන්නා ඡායාරූපයක depth of field, 300mm f2.8 Lens එකකින් Full frame camera එකක් සමග ගන්නා ඡායාරූපයක depth of field වලට වඩා වැඩි වේ, නමුත් එම ඡායාරූප දෙකේම රාමුව එක සමාන වේ.
මේ ගැන වැඩි අවබෝදයක් ලබාගැනීමට මෙම Video එක බලන්න.

https://www.youtube.com/watch?v=f5zN6NVx-hY

මෙම Camera අතර වෙනස් වන තවත් වැදගත් කාරනාවක් වන්නේ High ISO noise performance යන්නයි. අද වෙලදපොලේ පවතින Cropped සහ Full frame camera වල sensor එකේ ප්‍රමානය ගතහොත් Full frame sensor එකක් ආසන්න වශයෙන් Crop sensor මෙන් දෙගුනයක් වේ. මෙම Sensor ප්‍රමානයන්ගේ වෙනස නිසා එකම ISO අගන් වලදී Full frame sensor එකක අඩුවෙන් noise පෙනෙන අතර Crop sensor එකක වැඩියෙන් nois පෙනේ. බොහොමයක් සතුන් ක්රියාශීලී වන්නේ උදේ පාන්දර සහ හවස බැවින් මද ආලෝක තත්ව යටතේ ඡායාරූප ගැනීමට බොහෝ වෙලාවට අපට සිදුවේ. මෙවැනි වේලාවන්ට ඉහල ISO අගයන් වලදී ගන්නා ඡායාරූප වල ගුනාත්මක බව ඉතා වැදගත් වේ.
අද පවතින බොහොමයක් Full frame camera මිල ගනන් වලින් Cropped sensor camera වඩා වැඩිවේ, නමුත් තරමක් සහන මිලකට ලබාගත හැකි Full frame camera හදුන්වාදීමට ප්‍රමුක Camera brand කිහිපයක් පියවර ගෙන තිබීම සතුටුදායක කරුනකි.

3. Macro

Macro ඡායාරූපකරණය සදහා වෙන්කරගත් Macro lens එකක් පාවිච්චි කරනවානම් වඩා සුදුසු වුනත් එය හැම කෙනක්ටම කරන්නට අමාරු දෙයකි. එම නිසා පහත සදහන් විකල්ප එය සදහා හදුන්වා දෙමි.
i. Extension tube
Extension tube භාවිතය focal lenght අඩු lens (50mm – 100mm) සදහා වඩාත් සුදුසු වේ, එමගින් Magnification ඉහල අගයකට ගත හැක. Extension tube මිලදී ගැනීමේදී සැලකිය යුතු කරුනක් වන්නේ Lens එකේ Auto focus කිරීමේ හැකියාව මිලදී ගන්නා Extension tube එක තුල තිබේද යන්නයි. Macro photography වලදී manual focus කිරීමෙන් සාර්තක ඵල නෙලාගත හැකි වුවත් සියලු දෙනාට එය කිරීම අපහසු බැවින් කල්පනාකාරීව මෙය තෝරා ගන්න.
ii. Closeup filters
Closeup filters භාවිතය focal lenght වැඩි lens (200mm – 400mm) සදහා වඩාත් සුදුසු වේ, එමගින් Magnification ඉහල අගයකට ගත හැක. Closeup filters මිලදී ගැනීමේදී Double element filters මිලදී ගැනීමෙන් ඡායාරූප වල ගුනාත්මක බව ඉහල මට්ටමක පවත්වාගත හැක. Lens එකට Closeup filter සවිකර ගැනීම පහසු වුවත් විවිද Lens වල Filter thread size වෙනස් වීම තරමක් අවාසිදායක කරුනකි. එමෙන්ම ඡායාරූප focus කිරීමට සහ frame කර ගැනීමට වැඩි පරිශ්රමයක් දැරීමට සිදුවියහැක.
iii. Reverse lens
අඩුම මිලකට Maco ඡායාරූප ගැනීමට තිබෙන හොදම විසදුම මෙයයි. භාවිතය තරමක් අපහසු වුවද, ඉතා ඉහල Magnification ලබාගැනීමට මෙම ක්‍රමය යොදාගත හැක. මෙම ක්‍රමය යොදාගැනීමේදි Camera එකේ Metering සහ Apature control සහය නොලැබෙන බැවින්, පාලනය කල පරිසරයක් තුල හැර වෙනත් තැන් වල ඡායාරූප ගැනීම අපහසු වියහැක.
ඉහත සදහන් විකල්ප පිලිබද වැඩි විස්තර සදකා පහත page එක බලන්න.

http://www.cambridgeincolour.com/tutorials/macro-extension-tubes-closeup.htm

4. New trends (Aerial and underwater)

වනජීවී ඡායාරූපකරණය වර්තමානයේදී සාම්ප්‍රදායික ක්‍රම වලින් ඔබ්බට ගිය ස්වරූපයක් දැක ගැනීමට පුලුවන්. විශේශයෙන් ගුවනේ සිට සහ වතුර යට පෙනන ලෙස ගන්නා ඡායාරූප බොහෝවිට සිත් ඇද ගැනීමට සමත්ව ඇත. මෑතකදී අන්තර්ජාතික මට්ටමේ පැවති තරග වලදී මෙවැනි ඡායාරූප වලට විශේශ තැනක් හිමිවී තිබීම මේසදහා හොද නිදසුනකි.
මෑතක් වන තුරු බොහොමයක් ඡායාරූපශිල්පීන් උත්සහ කලේ animal portrait වලදී telephoto lens භාවිතා කරමින් වස්තුව වෙන් කර පෙන්වීමටයි. නමුන් මෑත කාලයේ environmental portrait සදකා වැඩි අවදානයක් යොමුවී තිබේ. Wide angle lens භාවිතා කරමින් ලබාගන්නා ඡායාරූප වල වැඩි වටිනාකමක් ඇතිව තිබේ. මෙවැනි ඡායාරූප ලබාගැනීමට සතුන්ට ලන්වීම සදහා camera traps සහ beetle cam උපයෝගීකරගැනීම නව නැඹුරුතාවක් ලෙස සදහන් කල හැක.

5. Seeing beyond

ඡායාරූප ශිල්පය යනු කලාවකි, එය තුල විද්යානුකූලව තර්ක කල නොහැකි පැතිකඩක් ඇත. දැනට පවතින මතිමතාන්තර බිද දැමීමෙන් සහ අලුත් විදිහට හිතීමෙන් මෙම ශේස්ත්‍රය තුල වැඩි දුරක් යාමට හැකි වනු ඇත. හොද ඡායාරූපයක් ගැනීම්ට ලොව පවතින හොදම කැමරාව ඔබට අවශයයැයි සිතේනම් මෙවර BBC Wildlife තරගයෙන් ජයග්‍රහනය කල ඡායාරූප ලබාගත් Camera/Lens දිහා බලන්න.
ඔබ ලග ඇති දේ සමගින් අලුත් විදියට හිතන්න, තවත් කෙනෙක් නොකල දෙයක් කිරීමට උත්සහ කරන්න. ලොව ප්‍රකට Architect වන Geoffrey Bawa ලොවපුරා නම් දිනා ඇත්තේ ඔහුගේ නිර්මාන බොහොමයක් සම්ප්‍රදායන්ට විරුද්ධ වුවත්, විශිශ්ට නිර්මාන කිරීමට ඔහු සමත් වීම නිසයි. නිර්මානශීලීත්වය ලොව මිල අධිකම cameraවටත් වඩා වටිනවා, එහෙම නොවුනොත් ලොව ධනවත්ම මිනිසුන් ලොව සිටින හොදම චායාරූප ශිල්පීන් විය යුතුයි.


The best camera is the one that's with you: Chase Jarvis

- නිශාන්ත මංජුල 

කවරයේ කතාව - 28th November 2016

මෙවර කවරය ලෙස තෝරාගැනීම කර ඇත්තෙ සුලක්කන චාමර විසින් කැමරා කාචයට හසුකරගත් Jumping Spider වර්ගයේ කුඩා මකුළුවෙකි. මෙවර කවරය තෝරාගැනීම අප සමුහයේ ඇඩ්මින් ගිමේෂ් සුලක්ෂන විසින් සිදුකරනු ලැබිනි.




Copyright Sulakkana Chamara


මෙහි පලවන කිසිදු  ඡායාරූපයක්  ඡායරූපශිපියගේ අවසරයකින් තොරව උපුටාගැනීම හෝ නැවත පළකිරීම සිදු නොකලයුතුබව කරුණාවෙන් සලකන්න. 

කවරයේ කතාව - 21th November 2016

මෙවර කවරය සදහා තෝරාගෙන ඇත්තේ හර්ෂ මදුෂාන් විසින් ඡායාරූපයට නැගු macro වර්ගයේ ඡායාරූපයකි. මෙවර කවරය තෝරාගැනීම සමුහයේ ඇඩ්මින් නිශාන්ත මංජුල විසින් සිදුකරනු ලැබිනි.

Copyright Harsha Madushan

මෙහි පලවන කිසිදු  ඡායාරූපයක්  ඡායරූපශිපියගේ අවසරයකින් තොරව උපුටාගැනීම හෝ නැවත පළකිරීම සිදු නොකලයුතුබව කරුණාවෙන් සලකන්න. 

කොළඹ සිට පහසුවෙන් ලගවියහැකි වනජීවී කේන්ද්‍රස්ථාන කිහිපයක්



Wildlife Photography - Sri Lanka  සමුහය විසින් වනජීවී  ඡායාරූපකරණය සදහා ඇලුම්කරන ඔබ වෙත ගෙන ලිපි මාලාවේ  දෙවැන්න ලෙස කොළඹ අවට ඇති පහසුවෙන් ලගාවියහැකි  Wildlife Hotpot කිහිපයක් හදුන්වාදිමට අපි අදහස් කරනවා.

1. තලංගම වැව ආශ්‍රිත තෙත් බිම් කලාපය

තලංගම වැව සහ ඒ අවට තෙත්බිම් කලාපය කොළඹ දේශීය මෙන්ම විදේශීය සොබාදම් සංචාරකයන් සහ ඡායාරුපශිල්පින් අතර කලක සිට ජනප්‍රිය ස්ථානයක් බවට පත්ව තිබෙනවා. එයට ප්‍රදානම හේතුව වී ඇත්තේ එහි සිටින කුරුළු ගහනයි. සංචාරක කුරුල්ලන් පැමිණෙන කාලයේදී මෙහිදී එවැනි කුරුල්ලන්ද දැකබලාගැනීමට අවස්ථාව සැලසෙනවා. එමෙන්ම මෙහිදී මීමින්නන්, දියබල්ලන්, ඉත්තෑවන් වැනි  කුඩා ක්ෂීරපායි විශේෂද හමුවන අවස්ථා තිබේ. මෙය Common Kingfishers චායාරූපයට හසුකරගැනීමට කදිම ස්ථානයක් ලෙස හදුන්වාදීමට හැක. තවද දුර්ලබ සංචාරක කුරුල්ලන් වන Cinnamon Bittern, Glossy Ibis වැනි කුරුළු විශේෂද මෙහි වාර්තාවේ. අවාසනාවකට සංවර්ධන කටයුතු නිසා මෙම ප්‍රදේශය මේ දින වල බෙහෙවින් වෙනස් කම් වලට බදුන් වෙමින් පවතී .

පැලවත්ත හන්දියෙන් හැරී D P විජේසිංහ මාවත ඔස්සේ 1.5Km පමණ පැමිණ වැව පාරට හරවා ඒ ඔස්සේ 1Km පමණ යාමෙන් තලංගම වැව කරා ලගාවිය හැක .

2. තලවතුගොඩ  ජෛව විවිදත්ව අද්‍යාපන කේන්ද්‍රය සහ අවට  තෙත් බිම

තලවතුගොඩ සහ කිඹුලාවල ආශ්‍රිතව පිහිටා ඇති මෙම තෙත්බිම් කලාපයද ජලෂිත පක්ෂීන් බහුලව ගැවසෙන ප්‍රදේශයකි. පවතින සංචාරක කුරුල්ලන් පැමිනෙණ කාලය තුල මේ ප්‍රදේශයෙන් Comb Duck සහ Glossy Ibis යන කුරුළු විශේෂ වාර්තාවීම විශේෂත්වයකි. තලංගම ආශ්‍රිත කලාපයේ සිදුවන සංවර්ධන කටයුතු නිසා කුරුල්ලන් මෙම ප්‍රදේශයට පැමිණෙනවා වියහැක. මිනිසුන් බහුලව ගැවසෙන ප්‍රදේශයක් නිසා මෙහි සිටින පක්ෂීන් කුලෑටි බැවින් අඩු වීම වනජීවී ඡායාරූපශිල්පීන්ට වාසිදායක වේ .

තලවතුගොඩ දෙසින් හෝ ජපන් මිත්‍රත්ව පාර දෙසින් මෙම ප්‍රදේශයට ලගාවිය හැක .


3. බැද්දගාන තෙත්බිම් උද්‍යානය

පක්ෂීන් නරබන්නන් අතර සංචාරක පක්ෂීන් සදහා කොළඹ අවට ඇති ජනප්‍රිය ස්ථානයක් ලෙස මෙය හැදින්විය හැක. මෑතකදී මෙම ප්‍රදේශය උද්‍යානයක් ලෙස සංවර්ධනය කර පක්ෂි නරබන්නන් සදහා පහසුකම් සලසා දී තිබේ. රංචු වශයෙන් ගැවසෙන Plovers, Teals වැනි පක්ෂි විශේෂ මෙහිදී දැකබලාගැනීමට ලැබේ. Field Ornithological Group of Sri Lanka විසින් මෑතකදී කරන ලද සංචාරයකදී Rose Starling ඇතුළු මෙම ප්‍රදේශයේ සුලබ නොවන සංචාරක පක්ෂි විශේෂ කිහිපියක්ම මෙම උද්‍යානයෙන් වාර්තා කර තිබේ.

ඇතුල්කෝට්ටේ දෙසින් හෝ පිටකෝට්ටේ දෙසින් කෝට්ටේ පාරේ පැමිණ බැද්දගාන හන්දියෙන් බැද්දගාන පාරට හැරවීමෙන් හෝ ඇතුල්කෝට්ටේ දෙසින් ශ්‍රී ලංකා නිපොන් පාරේ පැමිණ බැද්දගාන තෙත්බිම් උද්‍යානය කරා ලගාවිය හැක .

4. බෙල්ලන්විල - අත්තිඩිය තෙත්බිම් කලාපය

කොළඹ දිස්තික්කයේ පිහිටි ප්‍රදානම තෙත්බිම ලෙස බෙල්ලන්විල - අත්තිඩිය තෙත්බිම හදුන්වාදිය හැක. අතීතයේ බොහෝ සංචාරක පක්ෂීන් පැමිණි ස්ථානයක් ලෙස මෙය ප්‍රසිද්දව පැවතුනි. මෑතකදී කරන ලද සංවර්ධන කටයුතු නිසා මෙහි ගැවසෙන කුරුල්ලන්ගේ ප්‍රමාණය අඩු උවද තවමත් මෙම ප්‍රදේශයෙන් සැලකියයුතු පක්ෂි විශේෂ ප්‍රමාණයක් වාර්තාවේ . කුරුල්ලන් නැරබීම සදහා කොලින් රෙෆිනේරි මාවතෙන් පැමිණ  මැටි වලවල් පිහිටි ප්‍රදේශයෙන් හෝ මාලනී බුලත්හිංහල මාවතෙන් පැමිණ නැදිමාල ඇළ මාර්ගය අවට ප්‍රදේශයෙන්  හෝ තෙත්බිම් කලාපයට ඇතුළුවිය හැක.  මාලනී බුලත්සිංහල මාවතේ නැදිමාල ඇළ මාර්ගය අසල වනජීවී කාර්යාලය පිහිටා තිබේ.

5. මුතුරාජවෙල

අතීතයේ විශාල වෙල් යායක්ව පැවති මුතුරාජවෙල ප්‍රදේශය පසුකාලීනව අතහැරදමිම නිසා ඒ  ආශ්‍රිතව ඇතිවූ තෙත්බිම පාරිසරික සංවේදී කලාපයක් ලෙස නම්කර තිබේ. එහි උනහපුලුවා මෙන්ම පක්ෂි විශේෂ 102ක් වර්තවනබව සාදාගන් වේ.  මුතුරාජවෙල මැදින් දිවයන හැමිල්ටන් ඇළ මාර්ගය ඔස්සේ කුරුල්ලන් නරබිමේ සංචාරක සේවාවක් මුතුරජවෙල සංචාරක කේන්ද්‍රය මගින් පවත්වාගෙන යි. මෙය ප්‍රදේශය අවට පරිසරයට ඇලුම්කරන තරුණයන් පිරිසක් විසින් පවත්වාගෙන යනු ලැබේ . හැමිල්ටන් ඇළ මාර්ගය ඔස්සේ ගමන්කරන සංචාරක බෝට්ටු හැමිල්ටන් ඇළ ආශ්‍රිතව මෙන්ම මීගමුව කලපුව ආශිතව පක්ෂි නැරබුම් අවස්ථාව උදාකරදී තිබේ. මෙහිදී ඇති දුර්ලබ Black-cap Kingfisher වාර්තාවී තිබීම විශේෂත්වයකි.

මුතුරාජවෙල සංචාරක කේන්ද්‍රයට ලගාවිමේ මාර්ගය https://goo.gl/maps/8C3o6JkwzuL2
දුරකථන 011 4 030150

6. ඉංගිරිය වන රක්ෂිතය /බෝධිනගල

ඉහත සදහන්කල සියලුම ස්ථාන වල ප්‍රධාන ආකර්ෂණය හිමිවන්නේ ජලාශ්‍රිත පක්ෂි විශේෂ සදහාය, රට තුලට වන්නට කළු ගඟට මාඉම්ව පිහිටි වනාන්තරයක් වන ඉංගිරිය වන රක්ෂිතය බොහෝ එකදේශීය කුරුළු විශේෂ නැරබීමට මෙන්ම වනය ආශ්‍රිතව ජීවත්වන දේශීය මෙන්ම සංචාරක කුරුළු විශේෂ නැරබීමටද තෝතැන්නකි. සිංහරාජයට සමාන වනාන්තර වියුහයක් සහිත මෙම වනාන්තරයේ කුරුල්ලන්ට අමතරව අනෙකුත් සත්ව විශේෂද දක්නට ලැබේ. Macro ඡායාරූපකරනයටද මෙහිදී හොද අවස්ථාවක් ඇත. වනාන්තරයට පිවිසීමට ඇත්තේ බෝධිනගල අරණ්‍ය සේනාසනය තුලින් බැවින් එයට සරිලන ලෙස පැමිණීමට වගබලාගත යුතුය. මෙවැනි වනාන්තරයක පවතින අඩු ආලෝක තත්වයන්ට ගැලපෙන ඡායාරූප උපකරණ රැගෙන යාම යෝග්‍ය වේ.

https://goo.gl/maps/NpeG5hGqycK2


මීට අමතරව නාවල වැලි පාර්ක් පිහිටි ප්‍රදේශයේ ඇති නාගරික තෙත් උද්‍යානය (https://goo.gl/maps/XU84KkwqAJn) සහ මොටටුව ප්‍රදේශයේ පිහිටි ලුනාව කලපුව ද වනජීවී ඡායාරූපකරණය සදහා යෝග්‍ය ප්‍රදේශ ලෙස සැලකේ. මෑතකදී ඉදිකළ සීතාවක තෙත්කලාපිය උද්බිත උද්‍යානයද (https://goo.gl/maps/dDgc9GdA6rq) කුරුල්ලන් නැරබීම සහ ඡායාරූපකරණයට ඉතාමත් සුදුසු ස්ථානයක් ලෙස නම්කළ හැක.

මීට අමතරව ඔබ දන්නා මෙවැනි වනජීවී ඡායාරූපකරණයට සුදුසු අනෙකුත් ස්ථාන ඇත්නම් ඒවාද අප සමග බෙදාහදාගන්නා මෙන් ඇරයුම් කරමු.

- ධනුෂ්ක සේනාධීර 

කවරයේ කතාව - 14th November 2016

මෙවර අප සමුහයේ කවරයේ කතාව සදහා තෝරාගෙන ඇත්තේ Riznad Hussain විසින් කල්පිටිය මුහුදු තිරයේදී තම කැමරා කාචයට හසුකරගත් Spinner වර්ගයේ ඩොල්ෆින් මත්සයෙකි. කල්පිටිය මුහුදු තීරය ඩොල්ෆින් මසුන් නැරබීමට මෙන්ම විවිද වර්ගයේ තල්මසුන් නරබිමටද ප්‍රසිද්දත්වයක් උසුලයි. මෙවර කවරය තෝරාගැනීම කර ඇත්තේ සමුහයේ ඇඩ්මින්වරයෙකු වන  දිනේෂ් ඩෙකර් විසිනි.

Copyright Rizard Hussain

මෙහි පලවන කිසිදු  ඡායාරූපයක්  ඡායරූපශිපියගේ අවසරයකින් තොරව උපුටාගැනීම හෝ නැවත පළකිරීම සිදු නොකලයුතුබව කරුණාවෙන් සලකන්න. 

කවරයේ කතාව - 7th November 2016

මෙවර අප සමුහයේ කවරයේ කතාව සදහා තෝරාගෙන ඇත්තේ රසික සිල්වා විසින් යාල ජාතික වනෝද්‍යානයේ දී ඡායරූපයට හසුකරගත් කොටියෙකි. මෙවර කවරය තෝරාගැනීම  සමුහයේ ඇඩ්මින්වරයෙකු වන සුපුන් පෙරේරා විසින් සිදුකරන ලදී.

Copyright Rasika Silva


මෙහි පලවන කිසිදු  ඡායාරූපයක්  ඡායරූපශිපියගේ අවසරයකින් තොරව උපුටාගැනීම හෝ නැවත පළකිරීම සිදු නොකලයුතුබව කරුණාවෙන් සලකන්න. 

විශිෂ්ට වනජීවී ඡායාරූප ශිල්පියෙකු වීමේ රහස්...



1. සැමවිටම ඡායාරූප ගැනීමට ප්‍රථමයෙන් සතුන් ගැන දැනුවත් වන්න. ඔවුන්ගේ හැසිරීම් රටා හා ඔබ පින්තුර ගැනීමට යන සොබාදහම් පද්ධතිය ගැන සැලකිලිමත් වන්න. එමගින් ඔබට ගුණාත්මක පින්තුර හසුකර ගැනීමටත් එලෙසම සත්වයන්ට හා පරිසර පද්ධතියට හානි නොවන අයුරින් ඡායාරූප ගැනීමටත් හැකිවනු ඇත..

2. සැමවිටම සතුන්ට බාධා නොවෙන පරතරයක් ඔබ හා වනජීවීන් අතර තබාගන්න. ඔබ ඡායාරූප ගැනීමට උත්සහ කරන ජීවියා කලබල වුවහොත් ඔබට ඡායාරූප ගැනීමට ඇති හැකියාව ගිලිහි යන බව මතක තබා ගන්න.

3. කුරුළු කූඩු හෝ වෙනත් සතෙකුගේ වාසස්ථාන වලට හානි කිරීමෙන් වලකින්න. එලෙසම කුරුළු කුඩ වලට ළඟාවීමෙන් වලකින්න. එමගින් කුඩුවේ සිටින කුරුළු පැටවුන්ට / බිත්තරවලට සිදුවන හානිය පිලිබඳ දැනුවත්වන්න. ඇතැම් විට කුරුල්ලන් කූඩුව අත හැර යන්න පවා පෙළඹෙන්න පුළුවන්.

4. කිසිම විටකත් සතුන්ගේ ශබ්ද භාවිතා කර සතුන් ගෙන්වා ගැනීම, සතුන් හට කෑම දමා සතුන් ගෙන්වා ගැනීම, සතුන් හට හිංසා කර ඡායාරූප ගැනීමෙන් වලකින්න. එමගින් වනජිවින්ට සිදු වන්නේ බලවත් අසාධාරණයකි.

5. "ඉවසීමෙන් සැනසීම ලැබේ.." මෙම යෙදුම වනජීවී ඡායාරූපකරණයේදී ඔබට අත්දැකීමට පුළුවන්. ඇතැම් විට තමන්ට අවශ්‍ය ඡායාරූපය ලබා ගැනීමට ඉවසීමෙන් පැය 4-5 ඉන්න වෙන අවස්ථා තිබෙනවා. එම නිසා ඔබගේ ඉවසීමේ හැකියාව ප්‍රගුණ කර ගන්න. එමගින් වටිනා ඡායාරූප ලබාගැනීමට ඔබට හැකිවනු ඇත.

6. කෘතීම ආලෝකයන් (flash) භාවිතා කිරීමෙන් සතුන් හට හිංසාවන් සිදුවිය හැකියි. එමනිසා කෘතීම ආලෝකයන් භාවිතය නොවන අයුරින් ඡායාරූප ලබාගැනීමට පුරුදු වන්න.

7, පුළුවන් තරම් නිෂ්ශබ්දතාවය රැක ගන්න. සතුන් කලබල වුවහොත් ඡායාරූප ගැනීමේ හැකියාව මගහැරී යනු ඇත